ახალციხის მუნიციპალიტეტის მერმა სტუმრებს უმასპინძლა
ახალციხის მუნიციპალიტეტის მერი ზაზა მელიქიძე და მერის პირველი მოადგილე გურამ მელიქიძე №1 საჯარო სკოლის 1969 წლის გამოშვებას შეხვდნენ, მათ შორის იყვნენ ახალციხელი ებრაელები, რომლებიც ისრაელში ცხოვრობენ და მოღვაწეობენ.
შეხვედრა გაცნობითი ხასიათის იყო. სტუმრებმა ახალციხეში გატარებული წლები გაიხსენეს. მათ მადლობა გადაუხადეს მერს გულთბილი დახვედრისათვის და აღნიშნეს, რომ ახალციხე ყოველთვის დარჩება მათ მშობლიურ ქალაქად.