ახალციხის მუნიციპალიტეტში ახალგაზრდული საბჭო იქმნება
ახალციხის მუნიციპალიტეტის მერია აცხადებს კონკურსს ახალციხის მუნიციპალიტეტის მერიის ახალგაზრდული საბჭოს წევრების შესარჩევად. კონკურსში მონაწილეობის მიღება შეუძლია ახალციხის მუნიციპალიტეტში მცხოვრებ 14-24 წლის ახალგაზრდებს.
პროგრამის მისიაა მონაწილეობრივი ახალგაზრდული პოლიტიკის განვითარების ხელშეწყობა ახალგაზრდული მრჩეველთა საბჭოს შექმნის, ახალგაზრდების და ახალგაზრდული ორგანიზაციებისთვის ეროვნული და რეგიონული ფორუმების ორგანიზების გზით.
პროგრამის მიზანია: გათვალისწინებული იქნება მუნიციპალიტეტში მცხოვრები ახალგაზრდების სპეციფიკური საჭიროებები და ინტერესები მუნიციპალური ახალგაზრდული პოლიტიკის განხორციელების პროცესში;
შემუშავდება შესაბამისი მიდგომები და პროგრამები ახალგაზრდების მდგომარეობის გაუმჯობესების მიზნით.
მუნიციპალური ახალგაზრდული საბჭოს წევრები ჩაერთვებიან სხვადასხვა სასწავლო პროგრამაში და აიმაღლებენ ცოდნას იმ მიმართულებით, რაც მათ დაეხმარებათ ფუნქცია–მოვალეობის ჯეროვნად შესრულებაში.
აღწერა: მონაწილეობა ერთ-ერთი ფუნდამენტური უფლებაა, რაც მრავალი დეკლარაციითა თუ კონვენციით არის დადასტურებული. შესაბამისად, ახალგაზრდული პოლიტიკის ერთ-ერთ მნიშვნელოვან პრიორიტეტსაც მონაწილეობა წარმოადგენს. აქტიური მონაწილეობა აძლიერებს ახალგაზრდებს და აძლევს მათ საშუალებას შეასრულონ წამყვანი ფუნქცია, როგორც საკუთარი თავის, ასევე, თემის განვითარების მიმართულებით, შეიძინონ საკვანძო უნარ-ჩვევები, მათ შორის, მოქალაქეობრივი კომპეტენციები და ხელი შეუწყონ აქტიური სამოქალაქო საზოგადოების ჩამოყალიბებას.
აპლიკანტმა შევსებულ აპლიკაციასთან ერთად უნდა წარმოადგინოს ნომინირების დოკუმენტი (დანართი #2).
გასაუბრებაზე მოწვეული იქნებიან მხოლოდ შერჩეული აპლიკანტები.
პროექტის შესახებ
მუნიციპალური ახალგაზრდული საბჭოს ფორმირება/გაძლიერება ხორციელდება პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ (2021-2025) ფარგლებში.
პროექტს ახორციელებს კონსორციუმი კონრად ადენაუერის ფონდის (KAS) ხელმძღვანელობით შემდეგ არასამთავრობო ორგანიზაციებთან ერთად - საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციის და ტრენინგის ცენტრი (CTC), განათლების განვითარების და დასაქმების ცენტრი (EDEC) და ევროპული პოლიტიკის ინსტიტუტი (IEP).
ინიციატივის ფარგლებში შეიქმნება/გაძლიერდება ახალგაზრდული საბჭო, რომელიც აქტიურად იმუშავებს ადგილობრივი ახალგაზრდების საჭიროებების იდენტიფიცირებისა და ამ საჭიროებების დაკმაყოფილებისკენ მიმართული აქტივობების დაგეგმვა–განხორციელებისათვის.
მუნიციპალური ახალგაზრდული საბჭოს ფორმირება/გაძლიერების მხარდაჭერას ადგილობრივ დონეზე უზრუნველყოფს ორგანიზაცია დემოკრატ მესხთა კავშირი (Union of Democrat Meskhs, UDM)
არასრულად შევსებული აპლიკაცია არ განიხილება.
აპლიკაციების მიღების ბოლო ვადაა 2022 წლის 27 მაისი, 18:00 საათი;
დაინტერესების შემთხვევაში, გთხოვთ, მოთხოვნილი დოკუმენტები გამოაგზავნოთ ელ-ფოსტაზე: mariamzazadze@gmail.com „თემაში“ მიუთითეთ „ახალგაზრდული საბჭო“, ან დოკუმენტები წარმოადგინეთ ახალციხის მუნიციპალიტეტის მერიის კანცელარიაში მისამართზე: ახალციხე, მ. კოსტავას ქუჩა #18 , (0365) 22 08 08 - (0365) 22 36 16 akhaltsikhemeria@gmail.com
დამატებითი ინფორმაციისთვის დაგვიკავშირდით:
საკონტაქტო პირი: მარიამ ზაზაძე, ახალციხის მუნიციპალიტეტის მერიის ახალგაზრდული განყოფილების სპეციალისტი/ ახალგაზრდული მუშაკი.
ელ-ფოსტა: mariamzazadze@gmail.com
ტელეფონი: 591449766