ახალციხის მუნიციპალიტეტში ვაქცინაციის მარათონი გრძელდება.

მარათონის ფარგლებში, დაავადებათა კონტროლის ეროვნული ცენტრის დირექტორი ამირან გამყრელიძე ახალციხის მუნიციპალიტეტს ეწვია და საზოგადოებრივი ჯანდაცვის ცენტრის თანამშრომლებთან ერთად, სოფელ ურაველში ვაქცინაციასთან დაკავშირებით საინფორმაციო შეხვედრა გამართა.
მარათონის ფარგლებში ადგილობრივ მოსახლეობას საშუალება აქვთ მათთვის სასურველი ვაქცინით აიცრან.

ვაქცინაციის პროცესს სამცხე-ჯავახეთის სახელმწიფო რწმუნებულის პირველი მოადგილე შალვა ბერძენიშვილი, ახალციხის მუნიციპალიტეტის მერი ირაკლი ლაზარაშვილი და სამხარეო და ადგილობრივ ხელისუფლების წარმომადგენლები გაეცნენ.

აღსანიშნავია, რომ ვაქცინაციაზე მაქსიმალური ხელმისაწვდომობის უზრუნველყოფის მიზნით, 18 ოქტომბრიდან მთელი საქართველოს მასშტაბით, ვაქცინაციის მარათონი მიმდინარეობს.