„სოფლის მხარდაჭერის პროგრამის“ ფარგლებში, საპროექტო წინადადებების შესარჩევად საერთო კრებები და კონსულტაცია  კიდევ სამ სოფელში ჩატარდა.

ივლიტის, ზემო სხვილისის და სხვილისის მოსახლეობამ ხმათა უმრავლესობით შემდეგი საპროექტო წინადადებები შეარჩიეს:

▫სოფელი ივლიტა - საზოგადოებრივი თავშეყრის ადგილის, სკვერისა და საზოგადოებრივი საპირფარეშოს მშენებლობა, რეაბილიტაცია;

▫სოფელი ზემო სხვილისი- ბუნებრივი და ხელოვნური სარწყავი სისტემის რეაბილიტაცია;

▫სოფელი სხვილისი - სარწყავი სისტემისა და სკვერის რეაბილიტაცია, გარე განათების გაგრძელება;

სოფლის მხარდაჭერის პროგრამით, მუნიციპალიტეტში მცირე ინფრასტრუქტურული პროექტები დაფინანსდება.

პროექტების შერჩევა 2019 წლის 1 მარტამდე უნდა მოხდეს.

მოსახლეობის მიერ შერჩეული პროექტები დასამტკიცებლად ახალციხის მუნიციპალიტეტის საკრებულოს წარედგინება.